"არსენალსა" და "ჩელსის" შორის შესაძლოა ზამთრის სატრანსფერო ფანჯარაზე წარმოუდგენელი გარიგება შედგეს.

ძალიან ავტორიტეტული და გავლენიანი ჟურნალისტები, ფაბრიციო რომანო, დავიდ ორნშტეინი და სხვები ადასტურებენ, რომ "მეთოფეებს" ჟორჟინიოს შეძენა სურთ.

იმ შემთხვევაში, თუ ენცო ფერნანდესის ტრანსფერი დაიხურება, ლურჯები აუცილებლად დათმობენ იტალიელ შუახაზელს.

"არსენალი" კი ჟორჟინიოს მოისეს კაისედოს ალტერნატივად განიხილავს, რომელთანაც ჯერჯერობით ვერ შეთანხმდნენ.

ასე და ამგვარად, შესაძლოა ზამთრის სატრანსფერო ფანჯრის ბოლო დღეს ძალიან მოულოდნელი გარიგება ვიხილოთ.